سویڈش حکومت نے اس سال کے شروع میں اعلان کیا تھا کہ سویڈن میں ہر شہری کو اس سال جون تک ویکسین لگا دی جائے گی لیکن ویکسین کی سست ترسیل اور کچھ ممکنہ سائیڈ ایفیکٹس کے باعث یورپی یونین کی تفتیش کی وجہ سے یہ ڈیڈ لائن اب آگے بڑھا دی گئی ہے۔
سویڈش سماجی وزیر لینا ہالنگرین نے جمعرات کی صبح پریس کانفرنس میں یہ اعلان کیا ہے کہ حکومت یکم جولائی سے پہلے ہر بالغ شہری کو کووڈ-19 کی ویکسین فراہم کرنے کے اپنے مقصد کو پورا نہیں کر سکے گی لہذا اب اگلی منصوبہ بندی یہ ہے کہ اٹھارہ سال سے زیادہ عمر کے ہر فرد کے لئے 15 اگست تک کم از کم کووڈ۔19 کی ایک ڈوز ہی لگا دی جائے۔
