آئی ایس پی آر کے مطابق شمالی وزیر ستان میں الورہ کے مقام پر باڑ کا کام کرنے والی پاک فوج کی ٹیم پر 60 سے 70 دہشتگردوں نے افغانستان کی حدود سے حملہ کیا تاہم فائرنگ کے باعث پاک فوج کے تین جوان شہید ہو گئے ہیں جبکہ پاک فوج کے جوانوں نے بھر پور جوابی کارروائی کرتے ہوئے دہشتگردوں کے حملے کو پسپا کر دیا اور درجنوں دہشتگرد مارے گئے ۔
فائرنگ کے تبادلے میں شہید ہونے والے جوانوں میں لانس نائیک علی ، نذیر اور سپاہی امداد اللہ شامل ہیں جبکہ پاک فوج کے 7 جوان زخمی ہوئے جنہیں ہسپتال منتقل کر دیا گیاہے اور ان کا علاج جاری ہے ۔آئی ایس پی آر کا کہناتھا کہ افغان سرزمین پاکستان کے خلاف استعمال نہیں ہونی چاہیے، پاکستان تمام رکاوٹوں کے باوجود باڑ لگانے کا کام جاری رکھے گا۔
